Thodi si zindagi mere liye bhi..

thodi si zindagi mere liye bhi
thode se armaan, thodi si ummeed mere liye bhi
bahut der se raat ho chuki hai
ab thoda ujala mere liye bhi

diye hai zindagi ne bahut se aise pal
dil khamosh tha,
koi aasra nahi ,
koi rehnuma nahi,
bus hum the aur thi hamari kuch yaaden
kuredta tha jakhm har jata hua pal
koi farq na tha, kya aaj hai aur kya kal

ab jab paayi hai kuch jindagi se mohabbat
jaagne se lage hai armaan ,
fir jeene ki ummeed,
lagte hai ab din aur raat apne se
kuch sitare apne se
kuch shaam apni si

aakhir kar na payi aur bewafai jindagi humse
taras hai ya kisi ki inaayat
ya hai ye woh mohabbat

ab aaye hai woh to kuch aur na chahne ka waqt hai
na khwahish
bus ab lagta hai
thodi si jindagi mil gayi hai
thodi si jindagi katne ke baad
thodi si khushi mil gayi
thode aansu bahane ke baad